Elbasy Pýtınmen óńirdegi qazirgi ahýaldyń damý barysyn talqylady

NUR-SULTAN. QazAqparat - Nursultan Nazarbaev Reseı Federatsııasynyń Prezıdenti Vladımır Pýtınmen telefon arqyly sóılesti, dep habarlaıdy QazAqparat elbasy.kz silteme jasap.

Áńgime barysynda Qazaqstannyń Tuńǵysh Prezıdenti Vladımır Pýtındi týǵan kúnimen shyn júrekten quttyqtap, myqty densaýlyq, sarqylmas kúsh-qýat pen dostas Reseı halqynyń ıgiligi jolyndaǵy qyzmetine tabys tiledi.

Elbasy Reseı Prezıdentiniń eki el arasyndaǵy strategııalyq seriktestik pen odaqtastyqty nyǵaıtýǵa qosqan zor úlesin erekshe atap ótti.

Sondaı-aq Nursultan Nazarbaev pen Vladımır Pýtın óńirdegi qazirgi ahýaldyń damý barysyn talqylap, jahandyq kún tártibindegi ózekti taqyryptar boıynsha pikir almasty.

Sońynda taraptar Qazaqstan men Reseı arasyndaǵy yntymaqtastyqtyń úlgi bolarlyqtaı joǵary deńgeıin jáne qarym-qatynastardy eki eldiń múddesine saı odan ári damytýdyń keleshegi zor ekenin atap ótti.