Elbasy: Qazaqstandy avtokratııada synaýdyń reti joq

ASTANA. QazAqparat - Qazaqstandy avtokratııada synaýdyń reti joq. Bul týraly búgin Astanadaǵy Táýelsizdik saraıynda Qazaqstan Respýblıkasy Ata Zańynyń 20 jyldyǵyna arnalǵan «Konstıtýtsııa: birilik, turaqtylyq, órkendeý» taqyrybyndaǵy halyqaralyq ǵylymı-tájirıbelik konferentsııada Elbasy Nursultan Nazarbaev málim etti.

«Men bilemin, keıbir kezderde bizdi avtokratııada synap jatady. Avtokratııa jóninde qalaısha aıtýǵa bolady, árbir 4-5 jylda jalpyhalyqtyq daýys berýde halyq óziniń Prezıdentin, Parlamentin saılaıdy, ıaǵnı erkin balamaly saılaýda tańdaý jasaıdy. Bizge batys elderi ómir súrip jatqan demokratııa joly boıynsha jyldam jyljý kerektigin aıtyp jatady. Biz osynyń barlyǵyn túsinemiz. Demokratııa - adamzattyń damýynyń jalpy dańǵyl joly, biz solaı jyljyp kelemiz. Alaıda biz azııalyq qoǵam ekenimizdi, sondaı-aq batysqa qaraǵanda, erekshe dástúrimiz bar ekenin únemi eskerýdemiz»,- dedi Prezıdent. Osy oraıda Elbasy azııalyq óńirde dinı, mádenı kózqarastar ózgeshe ekenin, sondyqtan da baıyppen alǵa jyljý kerektigin atap ótti. «ıAǵnı, bizdiń ómirlik is-áreketimizdi baǵalaý kezinde dostarymyzǵa eń aldymen azııalyq qoǵamnyń júıesine, tarıhyna, mádenıetine, dástúrine tereńdep úńilýine keńes berer edim. Eger memleket qurylysyna qadamymyz asyǵys túrde saıası abstraktili júıelerge arnalsa, onda biz sátsizdikke jol berer edik. Buny biz jaqyn kórshiles elderdiń úlgisinen kórip otyrmyz. Atap aıtqanda, bundaı sátsizdik apatty deńgeıde bolar edi», - dep túıdi N.Nazarbaev.