Elbasy Brıtanııa-Qazaqstan qoǵamynyń tóraǵasymen kezdesti

NUR-SULTAN. QazAqparat - Elbasy Nursultan Nazarbaev Brıtanııa-Qazaqstan qoǵamynyń tóraǵasy Rýpert Gýdmanmen kezdesti. QazAqparat bul týraly QR Tuńǵysh Prezıdentiniń resmı saıtyna silteme jasap habarlaıdy.

Kezdesýde taraptar «Astana klýbynyń» otyrysy barysynda qozǵalǵan Eýrazııa elderiniń damýy taqyrybyna qatysty pikir alysty.

«Sizge «Astana klýbynyń» otyrysyna qatysqanyńyz úshin rızashylyǵymdy bildiremin. Men osy jyldar ishinde Ulybrıtanııamen óte jaqsy qarym-qatynas ornattym», – dedi Nursultan Nazarbaev.

R.Gýdman «Astana klýbynyń» otyrysy joǵary deńgeıde uıymdastyrylǵanyn aıtty. Sondaı-aq kún tártibindegi ózekti máselelerdi kezdesip, talqylaýǵa múmkindik jasalǵany úshin Elbasyǵa alǵysyn jetkizdi.