Elbasy Atyraý xalqyna alǵys bildirdi
Sondaı-aq Prezıdent munaıly ólke halqy atynan tartý etilgen «Atyraý kópiri» úshin jurtshylyqqa rızashylyǵyn jetkizdi.
Bul týraly Elbasy Nursultan Nazarbaevtyń Atyraý oblysynyń ákimi Nurlan Noǵaevqa joldaǵan jedel hatynda jazylǵan.
«Táýelsiz Qazaqstannyń sımvoly sanalatyn bas qalamyzdyń aıtýly mereıtoıy - barsha qazaqstandyqtarǵa ortaq qýanysh. Saryarqa tósine qazyǵyn qaqqan eńseli elordamyzdy turǵyzýǵa búkil halqymyz jumyla atsalysty. Bıyl bas qalanyń týǵan kúnine oraı «Óńirlerdiń Astanaǵa tartýy» jobasy aıasynda Atyraý oblysy da erekshe syı jasady. Munaıly óńir syıǵa tartqan velosıpedshiler men jaıaý júrginshilerge arnalǵan kópir - sáýlet óneriniń biregeı týyndysy. Astanany kórkeıtýge zor úles qosqan Sizge jáne búkil Atyraý oblysynyń turǵyndaryna shynaıy rızashylyǵymdy bildiremin», - delingen Astanadan jetken jedelhatta.
