Elbasy Áset Isekeshev pen Nurlan Ermekbaevty qabyldady

NUR-SULTAN. QazAqparat - Qaýipsizdik Keńesiniń Tóraǵasy Nursultan Nazarbaev Áset Isekeshev pen Nurlan Ermekbaevty qabyldady. Bul týraly QazAqparat elbasy.kz saıtyna silteme jasap habarlaıdy.

Kezdesýde bıyl 19 mamyrda ótetin Qaýipsizdik Keńesi otyrysynyń kún tártibi jáne jıynda qarastyrý josparlanǵan qujattar talqylandy.

«Apparat Qaýipsizdik Keńesiniń kezekti otyrysyna materıaldardy daıyndady. Otyrysta eki másele qaralady. Birinshisi – Qarýly Kúshterdi qurý jáne damytý tujyrymdamasy týraly, ekinshisi – shekaradaǵy qaýipsizdikti qamtamasyz etý jóninde. Birinshi másele boıynsha Qorǵanys mınıstrligimen birlese otyryp, negizgi basym baǵyttar men iske asyrý kezeńderi anyqtaldy. Sondaı-aq Úkimetpen birge qarjylandyrý jáne Tujyrymdamany iske asyrýǵa qorǵanys ónerkásibi keshenindegi kásiporyndardyń qatysýy máseleleri qaraldy», – dedi Á.Isekeshev.

Óz kezeginde Qorǵanys mınıstri jańa Tujyrymdama jobasynda kórinis tapqan armııany qurýdyń negizgi baǵyttary týraly tolyq aqparat usyndy.

Sońynda Nursultan Nazarbaev Qaýipsizdik Keńesiniń Apparatyna birqatar naqty tapsyrma berdi.