Elbasy Alık Shpekbaevpen kezdesti
Qazaqstannyń Tuńǵysh Prezıdenti agenttiktiń tıimdiligin arttyrý aıasynda sybaılas jemqorlyqqa qarsy kúreste halyqaralyq tájirıbeni qoldanýdyń mańyzdylyǵyn atap ótti.
- Biz sybaılas jemqorlyqqa qarsy júıeni jetildirý úshin barlyq qajetti sharalardy qabyldadyq. Alaıda, shet elderdiń tájirıbesin zertteýdi jalǵastyryp, qylmystyń osy túrimen kúresýdiń ozyq tájirıbelerin engizýimiz kerek, - dedi Nursultan Nazarbaev.
Sonymen qatar, Elbasy qoǵamnyń sybaılas jemqorlyqqa qarsy is-qımyl protsesine qatysýy qajettigine nazar aýdardy.
- Halyq sybaılas jemqorlyqpen belsendi kúresýi qajet. Zań buzylǵan jaǵdaıda azamattar ýaqtyly habarlaýǵa tıis, al memleket belsendi azamattardy qoldaýy kerek, - dedi Elbasy.
Kezdesý barysynda A.Shpekbaev Nursultan Nazarbaevqa ortalyq memlekettik organdarmen jáne oblys ákimdikterimen birlesip «Adaldyq alańy» jobasyn iske asyrý barysy týraly baıandady.
