Elbasy Abý-Dabıdiń taq muragerimen kezdesti
Nursultan Nazarbaev pen Abý-Dabıdiń taq murageri Qazaqstan men Birikken Arab Ámirlikteri arasyndaǵy dástúrli dostyq qatynastardyń qarqyndy damyp kele jatqanyna joǵary baǵa berdi.
Osy oraıda Qazaqstan Premer-Mınıstri A.Mamınniń Abý-Dabı qalasyna barǵan saparynyń qorytyndysy atap ótildi. Bul saparda Qazaqstan ekonomıkasynyń basym salalarynda jalpy ınvestıtsııa kólemi 6 mıllıard dollardan asatyn jobalardy damytý úshin uzaq merzimdi strategııalyq áriptestik ornatý týraly úkimetaralyq qujatqa qol qoıylǵan bolatyn.
Elbasy Birikken Arab Ámirlikteriniń halqyn eldiń qurylǵanyna 50 jyl tolǵan mereıli toıymen shyn júrekten quttyqtap, az ǵana tarıhı kezeńde ár salada bıik jetistikterge qol jetkizgenin aıryqsha atap ótti.
Kezdesý barysynda Qazaqstannyń Tuńǵysh Prezıdenti sheıh Muhammed ben Zaıd Ál Nahaıanǵa «ıAdrolyq qarýsyz álem jáne jahandyq qaýipsizdik úshin Nazarbaev syılyǵyn» tapsyrdy. Ol Taq muragerine beıbitshilikti, óńirlik turaqtylyq pen ornyqty ekonomıkalyq damýdy qamtamasyz etýge qosqan úlesi úshin berildi.
Óz kezeginde Muhammed ben Zaıd Ál Nahaıan Elbasyǵa jáne N.Nazarbaev syılyǵyn berý jónindegi komıtet múshelerine óziniń qyzmetin joǵary baǵalaǵany úshin rızashylyǵyn bildirdi.
Nursultan Nazarbaevtyń Qazaqstan men Birikken Arab Ámirlikteri arasynda qarym-qatynas ornatý men nyǵaıtýǵa qosqan zor róli men eńbegin atap ótken Abý-Dabıdiń taq murageri baýyrlas memleketter arasyndaǵy yntymaqtastyq aldaǵy ýaqytta tereńdeı túsetinine senim bildirdi.
Sondaı-aq áńgime barysynda taraptar halyqaralyq jáne óńirlik kún tártibindegi ózekti máselelerge qatysty ózara pikir alysty.
Anyqtama úshin:
«ıAdrolyq qarýsyz álem jáne jahandyq qaýipsizdik úshin Nazarbaev syılyǵyn» QR Tuńǵysh Prezıdenti – Elbasy 2016 jyly taǵaıyndady. Ol ıadrolyq qarýdy taratpaýǵa, ıadrolyq synaqtardy toqtatýǵa, ıadrolyq energııany beıbit maqsatta paıdalanýǵa qosqan asa zor úlesi úshin, sondaı-aq beıbitshilik pen dostyqty, halyqtar arasyndaǵy ózara senimdi nyǵaıtýǵa, memleketaralyq qatynastarda teńdik pen teń qaýipsizdikti qamtamasyz etýge baǵyttalǵan belsendi qyzmeti úshin beriledi. Buǵan deıin Iordanııa Koroli ІІ Abdalla, MAGATE-niń Bas dırektory ıÝkııa Amano, ıAdrolyq synaqtarǵa jappaı tyıym salý týraly shart uıymynyń Atqarýshy hatshysy Lassına Zerbo osy syılyqpen marapattaldy.
