El azamattary tegin alatyn dáriler tizbesi keńeıtiledi
ASTANA. KAZINFORM — Densaýlyq saqtaý mınıstrligi el azamattarynyń jekelegen sanattaryn belgili bir aýrýlarmen (jaı-kúımen) tegin jáne (nemese) jeńildikpen ambýlatorııalyq qamtamasyz etýge arnalǵan dárilik zattar men medıtsınalyq buıymdardyń tizbesin keńeıtpek.
Ashyq NQA portalyna ornalastyrǵan Densaýlyq saqtaý mınıstri buıryǵynyń jobasynda kelesi aýrýlardy emdeýge arnalǵan dárilik zattardyń 3 jańa pozıtsııasyn engizý kózdelgen:
— lımfoıdty, gemopoetıkalyq jáne onymen baılanysty tinderdiń qaterli isikteri (aplastıkalyq anemııa men ımmýndyq trombotsıtopenııany qosa),
— onkologııalyq aýrýlar,
— psorıaz.
Jobany iske asyrý tıimdi terapııanyń qoljetimdiligin arttyrýǵa, sozylmaly jáne onkologııalyq aýrýlary bar patsıentterdiń klınıkalyq nátıjeleri men ómir súrý sapasyn jaqsartýǵa baǵyttalǵan.
Buıryqty iske asyrýdyń nátıjesinde sozylmaly jáne onkologııalyq aýrýlardan zardap shegetin patsıentter úshin qazirgi zamanǵy dárilik zattardyń qoljetimdiligi qamtamasyz etiledi. Bul rette buıryq qabyldanǵan jaǵdaıda dárilik zattardy el azamattarynyń jekelegen sanattaryn tegin jáne (nemese) jeńildikti ambýlatorııalyq qamtamasyz etýge arnalǵan dárilik zattar men medıtsınalyq buıymdardyń tizbesine engizý jáne olardy TMKKK jáne MÁMS aıasynda 2026 jyldan bastap satyp alýdy bastaý kózdeledi.
Buǵan deıin jedel járdem brıgadasynan qandaı dári-dármekti talap ete alatyndyǵyńyzdy jazǵan edik.