El jasóspirimderi astanada ótetin chempıonatta sadaq atýdan saıysqa túsedi

ASTANA. QazAqparat – 7-8 mamyr kúnderi Astanada sadaq atýdan jasóspirimder arasynda Qazaqstan Respýblıkasynyń chempıonaty ótkiziledi, dep habarlaıdy QazAqparat elorda ákimdiginiń resmı saıtyna silteme jasap.

Chempıonatqa elimizdiń túkpir-túkpirinen 150-ge jýyq mergen – 7-9 jas, 10-12 jas, 13-15 jas, 16-18 jas aralyǵyndaǵy qyzdar jáne uldar qatysady.

Jarys úsh túrli nysana negizinde ótkiziledi: Pýta nysanasy (5 oqtan 5 múmkindik), Orta Azııa nysanasy (5 oqtan 5 múmkindik) jáne Jamby nysanasy (5 oqtan 3 múmkindik). Jas erekshelikterine baılanysty ár nysananyń araqashyqtyǵy ártúrli. Atap aıtsaq:

7-9 jas – 10 metr (uldar men qyzdar bólek)

10-12 jas – 15 metr (uldar men qyzdar bólek)

13-15 jas – 20 metr (uldar men qyzdar bólek)

16-18 jas – 25 metr (uldar men qyzdar bólek)

Chempıonattyń uıymdastyrýshylary – Ulttyq sport qaýymdastyǵy, «Sadaq Aty» respýblıkalyq dástúrli sadaq atý federatsııasy. Mádenıet jáne sport mınıstrliginiń Sport jáne dene shynyqtyrý isteri komıteti men Astana qalasy ákimdigi qoldaý bildiredi.

Jeńimpazdar medeldarmen, dıplomdarmen marapattalady.

Іs-shara «KazTuran Sport» kesheninde uıymdastyrylady.

Eske salsaq, Atyraý qalasynda alǵash ret ótken dástúrli sadaq atýdan «ALTYN ORDA» halyqaralyq týrnıri qorytyndylanǵan bolatyn.