El Prezıdenti memlekettiń áleýmettiligine kepil beredi
«Konstıtýtsııanyń birinshi babynda Qazaqstan Respýblıkasy ózin áleýmettik memleket retinde ornyqtyrady. Bul memlekettiń saıasatyn aıqyndaıtyn mańyzdy qaǵıdat. Búgingi tańda Qazaqstanda kóp jumys atqaryldy, biraq biz memleketti shynaıy áleýmettik etýge, qazaqstandyqtardyń ómir súrý sapasyn jaqsartýǵa zor áleýet bar ekenin kórip otyrmyz. El Prezıdenti Qasym-Jomart Toqaev memlekettiń áleýmettiligine kepildik beredi. Qazaqstan halqyna ár Joldaýynda Prezıdenttiń osy ustanymy baıqalyp turady», - dedi Májilis depýtaty.
Onyń atap ótýinshe, tarıhı ýaqyt jedeldetilip, úderister kúrdelene túsýde. Osyndaı jaǵdaıda tıimdirek jáne tezirek jumys isteý kerek. Bul turǵyda memleket beriktik pen ornyqtylyq synaqtaryna jıi ushyraýda. Memlekettiń tabystylyǵynyń, onyń turaqtylyǵynyń, máselelerdi sheshý jáne odan ári damý qabiletiniń kepili halyq pen bıliktiń birligi, olardyń dıalogynyń ashyqtyǵy jáne damýdyń negizgi máseleleri boıynsha kelisim bolyp sanalady. Sonymen qatar ol «Beıbit jınalystar týraly» Zań qabyldanyp, «Saıası partııalar týraly», «Saılaý týraly», «Parlament jáne onyń depýtattarynyń mártebesi» týraly Zańdarǵa ózgerister engizilgenin, memlekettik organdardyń qoǵam aldyndaǵy ashyqtyǵynyń naqty qoldanystaǵy tetikterin qamtamasyz etýge baǵyttalǵan «Qoǵamdyq baqylaý týraly» Zańǵa bastama jasalǵanyn aıtty.
«Kórip otyrǵanymyzdaı, jumys júrgizilýde. Biraq bul jerde toqtaýǵa bolmaıdy. Másele retinde emes, joǵaryda aıtylǵan áleýettiń múmkindigi retinde túsiný jáne qabyldaý qajet – memlekettiń áleýmettiligin, memlekettik sheshimder qabyldaýdaǵy áleýmettilikti adamǵa baǵyttalǵandyq retinde tereńirek túsinýge basa nazar aýdarý kerek», - dedi Erlan Smaıylov.