El aýmaǵynda esirtki satýmen aınalysqan 3 uıymdasqan toptyń músheleri ustaldy

NUR-SULTAN. QazAqparat – Jyldyń basynan beri elimizdiń aýmaǵynda 1 300-ge jýyq esirtki qylmysy anyqtaldy. Bul týraly R ІІM Esirtkige qarsy is-qımyl departamentiniń basqarma bastyǵy Baqytjan Ámirhanov málim etti, dep habarlaıdy QazAqparat tilshisi.

«Birinshi jartyjyldyqta 1 300-ge jýyq esirtki qylmysy anyqtaldy. Onyń ishinde 800-ge jýyq esirtki satý jáne 227 asa iri kólemde esirtki saqtaý faktileri bar. Nur-Sultan qalasy men Atyraý oblysy aýmaǵynda kannabıs tobyna jatatyn esirtki zatyn jetkizýmen jáne satýmen, sondaı-aq Pavlodar oblysynda sıntetıkalyq esirtki satýmen aınalysqan úsh uıymdasqan qylmystyq toptyń is-áreketiniń joly kesildi», - dedi ol.

QR ІІM ókiliniń dereginshe, 3,3 tonnadan astam ártúrli esirtki túrleri, onyń ishinde 2 tonnaǵa jýyq marıhýana, 366 keli gashısh jáne 84 keli sıntetıkalyq esirtki tárkilengen.

Nur-Sultan qalasynda jáne Almaty, Aqtóbe, Almaty, Shyǵys Qazaqstan, Jambyl, Qostanaı jáne Qaraǵandy oblystarynda 21 esirtki zerthanasy joıyldy.

«Jyl basynan beri 1400 ınternet-resýrs anyqtalyp, buǵattaýǵa jiberildi. Internet resýrs arqyly esirtki satý faktileri boıynsha 103 qylmystyq is tirkeldi. Esirtki jarnamalaý jáne nasıhattaý boıynsha 57 qylmystyq is tergelip jatyr», - dep atap ótti Baqytjan Ámirhanov.