EQYU tóraǵasy Qazaqstanǵa jumys saparymen keledi

NUR-SULTAN. QazAqparat - Eýropadaǵy qaýipsizdik jáne yntymaqtastyq uıymynyń tóraǵasy Mıroslav Laıchak Qazaqstanǵa is-saparmen keledi. Bul týraly búgin QR Syrtqy ister mınıstrliginiń resmı ókili Aıbek Smadııarov aıtty, dep habarlaıdy QazAqparat tilshisi.

«7-8 sáýirde EQYU-nyń qazirgi tóraǵasy, Slovakııanyń Syrtqy jáne Eýropa isteri jónindegi mınıstri Mıroslav Laıchaktyń Qazaqstanǵa jumys sapary josparlanǵan. Sapar aıasynda M.Laıchak Memleket basshysy Qasym-Jomart Toqaev, sonymen qatar Senat tóraǵasy Darıǵa Nazarbaeva jáne Syrtqy ister mınıstri Beıbit Atamqulovpen kezdesedi»,- dedi resmı ókil.

Onyń aıtýynsha, taraptar Qazaqstan-Slovakııa ekijaqty yntymaqtastyǵy men Qazaqstan men EQYU arasyndaǵy ózara árekettestiktiń qazirgi jaǵdaıy men keleshegin, sondaı-aq elimizdiń jahandyq qaýipsizdikti qamtamasyz etýdegi halyqaralyq bastamalaryn talqylaıdy.