Ekvador úkimeti ýaqytsha Gýaıakılge kóshiriledi

ASTANA. KAZINFORM — Ekvador prezıdenti Danıel Noboa juma kúni úkimettiń jergilikti máselelerdi sheshý úshin birneshe aptaǵa ońtústik-batystaǵy Gýaıakıl qalasyna kóshetinin málimdedi, dep habarlaıdy Xinhua. 

Prezıdenttiń aıtýynsha, bılik Gýaıakılde qala beredi, «kún saıyn jumys isteıdi, sheshimder usynady, máselelerdi sheshedi». Ol kóshýdiń naqty kúnin ataǵan joq.

Danıel Noboa sondaı-aq birneshe saıasatkerdi «oılaryna kelgenin istep, ekvadorlyqtardan aqsha, armandar men múmkindikterdi urlady» dep aıyptady. Ol kóshirý jaǵdaıdy ózgertip, jergilikti turǵyndarǵa qajetti qaýipsizdikti qamtamasyz etetinin qosyp ótti.

Eldiń ońtústik-batys jaǵalaýynda ornalasqan Gýaıakıl — Ekvadordyń eń iri jáne eń mańyzdy qalalarynyń biri.

Bul megapolıs sonymen qatar eldegi sońǵy kezdegi zorlyq-zombylyqtyń kúsheıýinen eń kóp zardap shekken qalalardyń qatarynda.

Buǵan deıin elimizge Ekvadordan kelgen gúl partııasynan batys gúl trıpsi anyqtalǵanyn jazǵan bolatynbyz.