«Ekspress K» gazetiniń bas dırektory taǵaıyndaldy

ASTANA. QazAqparat - Respýblıkalyq «Ekspress K» gazetiniń bas dırektory bolyp 2004-2009 jyldar aralyǵynda redaktsııany basqarǵan belgili jýrnalıst Ádilhan Núsipov taǵaıyndaldy, dep habarlanǵan basylymda.

Eske sala keteıik, 2009 jylǵy shildeden bastap 2015 jylǵy naýryz aralyǵynda Alekseı Pan basylymnyń bas dırektory bolǵan. Ol 21 naýryzda Úndistandaǵy Goa kýrortynda qaıǵyly qazaǵa ushyrady. «Ádilhan Núsipov «Lenınskaıa smena» (gazettiń burynǵy ataýy) gazetine 1988 jyly keldi. Sosyn basqa jumysqa ketip, 2000 jyly gazetke qaıta oraldy. Gazet sholýshysy, bas redaktordyń orynbasary, bas dırektor - bas redaktor bolyp jumys istedi. 2009 jylǵy shildeden bastap 2015 jylǵy naýryz aralyǵynda Á.Núsipov Almatydaǵy tilshiler jelisiniń meńgerýshisi - bas dırektordyń orynbasary laýazymyn atqardy», delingen habarlamada.