EKSPO-nyń gıd-ekskýrsovodtary 11 tilde sóıleıdi

ASTANA. QazAqparat - Kórmege 150 kásibı gıd-ekskýrsovodtar daıyndalǵan. Olardyń barlyǵy oqytý, qonaqjaılylyq tanytý boıynsha trenıngterden ótken jáne 11 tildi erkin meńgergen, dep málimdedi qala ákimdigi medıa ortalyǵyna  bergen suhbatynda «Astana Konvensh Bıýro» JShS dırektorynyń orynbasary Asqar Adambekov.

«Tańdaý baıqaý boıynsha júrgizildi. Biz olardy til úıretpedik. Tek shet el tilin jetik biletinderdi ǵana aldyq», - deıdi A.Adambekov. Onyń sózinshe, negizinen gıd-aýdarmashylardyń basym bóligi 6 til biledi, alaıda arasynda 11 tilde sóıleı alatyn polıglottar bar. Negizinen qytaı, túrik, aǵylshyn, japon, frantsýz, koreı, ıspan jáne ózge de tilderdi meńgergen. 

«ıAǵnı, eger shetel týrısterine túsindirý kerek bolsa, olar kómektesedi», - deıdi A.Adambekov. Sonymen qatar Astana tarıhy, kórikti jerleri týraly aıtyp beretin jol kórsetýshiler jumys isteıdi.

«Budan bólek, biz aımaqtarmen tyǵyz baılanystamyz. Eger olarǵa gıd qajet bolsa, biz kómektesemiz. Olar týrısterge Astana týraly barlyq aqparatty aıtyp bere alady», - deıdi «Astana Konvensh Bıýro» JShS dırektorynyń orynbasary.