EKSPO qonaqtary shuǵyl operatsııalardy qajet etken jaǵdaılar boldy - Isekeshev

ASTANA. QazAqparat - EKSPO kezinde 1,5 myń jýyq sheteldik Astananyń medıtsınalyq uıymdarynda emdeldi. Bul týraly Elbasynyń qatysýymen ótip jatqan májiliste elorda ákimi Áset Isekeshev aıtty, dep habarlaıdy QazAqparat.

«Ótken jyly «EKSPO-2017» kórmesin medıtsınalyq qamtamasyz etý kezinde elordanyń densaýlyq saqtaý júıesi naqty synaqtan ótti. Ony ótkizý barysynda kórmege kelgen 8 myńnan astam qonaqqa qyzmet kórsetildi, onyń ishinde 64 elden osynda saparlaǵan 1 400 sheteldik bar», - dedi ákim.

Onyń sózine qaraǵanda, kórmege kelgen qonaqtar shuǵyl túrde kúrdeli operatsııalardy qajet etken jaǵdaılar bolǵan.

Sondaı-aq ákimniń aıtýynsha, búginde medıtsınalyq týrızm serpindi damýda. 

«Astana ishki medıtsınalyq týrızm boıynsha tartymdy bolyp otyr. Osy oraıda, elorda statsıonarynda emdelgen árbir úshinshi adam basqa óńirdiń turǵyny bolyp otyr. 2017 jyly 271 162 adam emdelse, onyń  82 289-y elimizdiń ózge óńirlerinen keldi», - dep naqtylady Isekeshev.