Eksklıýzıv: Qazaq ulttyq horeografııa akademııasy qyrkúıekte alǵashqy sabaǵyn bastaıdy

ASTANA. QazAqparat - Astananyń sol jaǵalaýynda salynyp jatqan biregeı oqý oryndarynyń biri -Qazaq ulttyq horeografııa akademııasy. Úsh korpýsy jáne bir teatry bar oqý orny 2016 jyldyń qyrkúıeginde alǵashqy sabaǵyn ótkizedi eken. «QazAqparat» tilshisi oqý ornyna baryp, horeografııa akademııasy dırektorynyń ýaqytsha mindetin atqarýshy Gaýhar Aldambergenovamen suhbattasqan edi.

«Qazaq Ulttyq horeografııa akademııasy 2016 jyldyń 11 cáýirinde irikteý jumysyn bastady. Іrikteý kezeńderi Qazaqstannyń búkil aımaqtarynda ótti. Kóbinese áleýmettik jaǵdaıy tómendeý balalardy, balalar úıindegi talantty búldirshinderdi qarastyrdyq. Bul akademııa -  bı óneri boıynsha Orta Azııadaǵy biregeı ortalyq. Bıyl qyrkúıek aıynda jumysyn bastaıdy»,-deıdi G.Aldambergenov.

Gaýhar Tóremuratqyzynyń aıtýynsha, qazir irikteý komıssııasy óz jumysyn aıaqtaǵan. Іrikteý komıssııasynan keıin akademııanyń qabyldaý komıssııasy 20 mamyr men 8 maýsym aralyǵynda oqýshylar men stýdentterdiń qujattaryn qabyldaǵan.

«9-20 maýsym aralyǵynda shyǵarmashylyq emtıhandar júrgizdik. 1-5 synyp aralyǵynda oqýshylardy qabyldadyq. Bıyl jalpy 418 bala qabyldanady dep josparlanyp otyr. Bul aqysyz oqý oryndary. Bul jerde bastaýysh mektebine 200 bala, orta kásibı bilim (9-11 jas aralyǵyndaǵy balalar) berýge 318 oryn bólinip otyr. 118 oryn bakalavr stýdentterine, 7 grant magıstratýraǵa  berildi.. Bıyl úlgersek, doktarantýraǵa da qabyldaımyz degen josparymyz bar. Qazir barlyq bólimderdiń lıtsenzııasyn aldyq»,-deıdi G.Aldambergenova.

Jalpy, akademııa aýmaǵynda zamanaýı tórt ǵımarat salynǵan eken. Ǵımarattardyń ishi men syrtynda sońǵy tazalyq jumystary, al akademııanyń aýmaǵynda abattandyrý jumystary júrip jatyr. Bir qýanarlyǵy, akademııa oqýshylar úshin ınternat, stýdentter úshin jataqhana, al oqytýshylar úshin baspana usynady eken.

«Bastaýysh synyp oqýshylary úshin mindetti túrde ınternat jumys isteıdi. Internatta kúndizgi jáne túngi tárbıeshiler bar. Bes ýaqyt tegin tamaq beremiz. Internattyń óz medıtsınalyq qyzmeti jumys isteıdi. Basseıni bar. Stýdentterdiń jataqhanasy da bar. Negizi, akademııanyń tórt ǵımaraty tolyq boı kóteredi. Birinshisi - balet ǵımaraty. Ekinshisi  -  turǵyn úı ǵımaraty, ıaǵnı, jataqhana men ınternattyń ǵımaraty. Oqytýshylardy da baspanamen qamtamasyz etemiz, sondyqtan, jataqhananyń joǵarǵy qabattary oqytýshylarǵa beriledi. Úshinshi ǵımarat - oqý ǵımaraty. Tórtinshi ǵımarat -  akademııanyń óziniń teatry. Teatr qarasha aıynda paıdalanýǵa beriledi. Dál qazir joǵaryda ataǵan úsh ǵımarat daıyn tur»,-deıdi G.Aldambergenova.

Akademııa orta kásiptik bilim aıasynda, ıaǵnı 5 synyptan keıin oqýshylardy eki mamandyqqa baýlıdy eken. Ol «Balet ártisi» men «Bı ansambli ártisi» mamandyqtary. Bıyl stýdentter «art-menedjment», «horeografııa», «ónertaný», «rejıssýra» mamandyqtary boıynsha, al magıstratýra  bólimine «horeografııa», «ónertaný», «rejıssýra» mamandyqtary boıynsha úmitkerler qabyldanǵan eken.