Ekologtar «Soıýz 2.1a» zymyran-tasyǵyshynyń blogy qulaǵan jerden synama alýda

ASTANA. QazAqparat - «Ǵarysh ekologııa» ǵylymı-zertteý ortalyǵy (ǴZI)» RMK mamandary «Progress MS-08» ǵarysh kemesin orbıtaǵa sátti alyp shyqqan «Soıýz-2.1a» zymyran-tasyǵyshynyń (ZT) janama bloktary qulaǵan jerde ekologııalyq tekserý jumystaryn júrgizýge kiristi, dep habarlaıdy «QazAqparat» HAA tilshisi.

«Ǵarysh ekologııa» ǴZI» RMK bas dırektory Jaılaýbaı Jubatov bizdiń agenttikke habarlaǵandaı, kásiporyn mamandary zymyran-tasyǵyshtyń janama bloktary qulaǵan jerdiń geografııalyq koordınattaryn anyqtaǵan. Olardyń barlyǵy ıÝ-25 aımaǵyna: Qaraǵandy oblysynyń Ulytaý aýdanyna qulaǵan.

«Ǵarysh ekologııa» ǴZI» RMK mamandary qulaǵan jerdiń aýasynan, topyraǵynan synama alyp, kásiporynnyń Jezqazǵandaǵy jyljymaly zerthanasyna jetkizgen.
 

«Ushyrylym shtattyq rejımde ótti, biraq jumystardy júrgizýge aýa raıy qıyndyq týdyryp jatyr: aıaz, qar, jel, boran bolyp jatyr jáne Balqashtaǵy tasjolda jol jabyldy», - dep túıindedi «Ǵarysh-Ekologııa»  basshysy.