Ekologııalyq qylmystar Qazaqstanǵa jyl saıyn 3,5 mlrd teńge shyǵyn ákeledi
Portal málimetinshe, 2017 jyldyń basynan 2022 jyldyń qyrkúıegine deıin Qazaqstanda jyl saıyn 1,1 myńǵa jýyq ekologııalyq qylmystyq quqyq buzýshylyq jasalǵan.
Olardyń sany jyl ótken saıyn azaıyp kele jatqanymen, elge keltiretin qarjylyq shyǵyn artyp keledi.
Ótken jyly ekologııalyq quqyq buzýshylyqtardan Qazaqstan 5,3 mlrd teńge shyǵynǵa batty. Bul - 2017 jyldan bergi rekordtyq soma bolyp otyr.
2017 jyldan bastap quqyq buzýshylar Qazaqstanǵa jyl saıyn orta eseppen 3,5 mlrd teńge kóleminde – memlekettiń ózine de, zańdy jáne jeke tulǵalarǵa da zııan keltiredi.
Alaıda, kináliler shyǵynnyń ornyn toltyryp, qazynany toltyrýǵa asyqpaıdy.
Máselen, sońǵy 5 jylda orta eseppen tártip buzýshylar jylyna nebári 676,5 mln teńgeni nemese jalpy zalaldyń 19 paıyzyn ǵana ótegen.
Buǵan sotqa deıingi tergep-tekserý barysynda, sondaı-aq sotqa jiberilgen ister boıynsha keltirilgen zalaldy óteý de kiredi.