Ekologııa mınıstrligi óz jumysynyń basty baǵyttaryn aıqyndady
Otyrys jumysyna mınıstr Maǵzum Myrzaǵalıev pen vedomstvonyń jaýapty basshylary qatysty. Jıynda orman sharýashylyǵy jáne janýarlar dúnıesi komıtetiniń tóraǵasy Qaıyr Ryskeldınov, sondaı-aq aýmaqtyq departamentterdiń basshylary qatysyp, 2019 jylǵy 1 jartyjyldyqtaǵy qyzmetiniń esebin baıandady.
Máselen, 2019 jyly tabıǵatty paıdalanýshylar tarapynan tabıǵatty qorǵaý sharalaryn iske asyrýǵa 171 mlrd teńge bólý josparlansa, osy jyldyń 6 aıynda ol somanyń 60 mlrd teńgesi ıegerilgen. Atap aıtqanda, mysaly «KazakhmysSmelting» JShS-da (KazahmysSmeltıng) jylyna 41,5 myń tonna shyǵarylymdy azaıtý kózdeletin shań-gaz tazalaý jabdyǵyn qurastyrý jáne emıssııalardy avtomattyq monıtorıngileý júıesi ornatylǵan.
«Geologııa salasynda jer qoınaýyn paıdalanýshylardyń ınvestıtsııalary esebinen oryndalǵan geologııalyq barlaý jumystarynyń qortyndysy boıynsha qorlardyń ósimine qol jetkizildi. Memlekettiń balansyna alǵash ret 4 qatty paıdaly qazbalar kenorny, 2 kómirsýtek kenorny jáne 2 jerasty sýlary berildi. Investıtsııa tartý maqsatynda «Mıneraldyq resýrstardyń ulttyq derekter qory» aqparattyq júıesi jasalýda», - dep habarlaıdy mınıstrliktiń baspasóz qyzmeti.
Al orman sharýashylyǵy salasynda orman ıelenýshiler 26,7 myń ga alańda aǵash otyrǵyzǵan. Jalpy 2030 jylǵa qaraı kórsetkish 87 myń gektarǵa jetkiziledi. Koreıa Respýblıkasy Orman sharýashylyǵy qyzmetimen birge osy kóktemde Aral teńiziniń kepken arnasynda 5,0 myń ga aýmaqta sekseýil otyrǵyzylǵan.
«Aǵashtardy zańsyz kesý ótken jylǵy deńgeımen salystyrǵanda 10 paıyzǵa (158-den 143-ke) azaıǵan. 2019 jyly áýeden júrgizilgen esep nátıjesi boıynsha, Qazaqstandaǵy aqbókenderdiń jalpy sany 334 myń. Ósim 56,0 paıyz. Bul aqbókenderdi qorǵaý boıynsha qabyldanǵan sharalardyń asa tıimdiligin kórsetedi. Sırek jáne joǵalyp bara jatqan asha tuıaqty janýarlar sanynyń qaıta kóbeıýi baıqalady», - delingen habarlamada.
Sý resýrstaryn basqarý salasynda aǵymdaǵy jyly 11 apattyq sý qoımalaryn qalpyna keltirý jumystary júrgizilýde. Sol sekildi sýarmaly jerlerdi damytý maqsatynda 610 myń ga aýmaqtaǵy gıdromelıoratıvtik júıeni ornyqtyrý kózdelip otyr.
Ekologııa, geologııa jáne tabıǵı resýrstar mınıstri M. Myrzaǵalıev alqa májilisin qortyndylaı kelip, QR Prezıdenti Q.K. Toqaevtyń ulyqtaý kezinde jarııalaǵan Qazaqstandy damytýdyń 10 jańa mindetterin túsindirdi.
«Olardy túsindirý sheńberinde mınıstr ázirlengen jańa Ekologııalyq kodeks jobasyn jan-jaqty talqylaýdyń qajettigin atap kórsetti. Ony aǵymdaǵy jyldyń aıaǵynda Parlamentke engizý josparlanýda. Sý resýrstaryn jáne sý qaýipsizdigin tıimdi basqarý máselesine aıryqsha nazar aýdaryldy. Mınıstrlik sýdy paıdalaný qaýipsizdigin qamtamasyz etý úshin sý sharýashylyǵy ınfraqurylymyn damytý, halyqty aýyz sýmen qamtý, sý esepteýdiń tsıfrlyq tehnologııasyn engizýdi kózdeıtin elimizdiń uzaqmerzimdik Sý qaýipsizdigi strategııasynyń tujyrymdamasyn ázirleýge kiristi. Brakonerlermen jáne aǵash kesýshilermen kúres máselesine aıryqsha nazar aýdaryldy. Jýyrda brakonerlik pen aǵash kesý boıynsha qylmystyq jaýapkershilikti kúsheıtý sharalary engiziledi. Geologııa salasyna da erekshe kóńil aýdarylyp otyr. Bir aı ishinde ınvestorlardy geologııalyq barlaýǵa yntalandyrý sharalary jasalady. Al geologııalyq barlaý baǵdarlamasyn ázirleýge geologııa salasyndaǵy ǵalymdar tartylady», - delingen habaramada.
