Ekologııa mınıstrligi qos aqqýǵa kómek suraǵan vıdeoǵa qatysty jaǵdaıdy túsindirdi

ASTANA. QazAqparat – Ekologııa, geologııa jáne tabıǵı resýrstar mınıstrliginiń baspasóz qyzmeti qos aqqýǵa kómek suraǵan vıdeoǵa qatysty jaǵdaıdy túsindirdi, dep habarlaıdy QazAqparat tilshisi.

«2022 jyldyń 18 qarashasynda Aqmola oblystyq orman sharýashylyǵy jáne janýarlar dúnıesi aýmaqtyq ınspektsııasynyń bas mamany D.I.Ahmetov aqparat quraldarynda qos aqqý týraly taraǵan vıdeodaǵy jerge baryp, sholý jasap qaıtty», - delingen mınıstrlik málimetinde.

Inspektsııa mamany oqıǵa ornyna barǵanmen, qos aqqýdyń izin ǵana kórgen.

«Ol barǵan kezde vıdeodaǵy jerde qos aqqý joq bolyp shyqty. Biraq oqıǵa ornynda qaýyrsyn men mamyq, qusty súıretken iz tabyldy. Biraq kim súıretkeni belgisiz. Sondaı-aq, Saryarqa kópiriniń mańynda ashyq sý qoımasy bar. Ol jerden ınspektsııa mamany bir aqqý men birneshe úırekti baıqady», - dep jazylǵan resmı málimette.

Vıdeodan alynǵan kadr/t.me/astanovka98