Ekologııa mınıstri Mańǵystaýda ken ornynda munaı tógilgenin rastady

NUR-SULTAN. QazAqparat – Ekologııa, geologııa jáne tabıǵı resýrstar mınıstri Maǵzum Myrzaǵalıev Mańǵystaý oblysyndaǵy Jetibaı ken ornynda munaı tógilgenin rastady, dep habarlaıdy QazAqparat tilshisi.

«Iá, shynynda da mundaı fakti 17 shildede bolǵan. «Mańǵystaýmunaıgaz» kompanııasynyń kúshimen jaǵdaı rettelip, qazir munaı aǵyp jatqan joq», - dedi Maǵzum Myrzaǵalıev OKQ-da tilshilerdiń suraǵyna jaýap bere otyryp.

Onyń aıtýynsha, qazirgi ýaqytta tazartý jumystary júrgizilip jatyr.

«Tógilgen munaıdy tazartý jumystaryn júrgizý kerek. Eń bastysy, tógilý jaǵdaıy ýaqtyly anyqtalyp, toqtatyldy», - dedi Maǵzum Myrzaǵalıev.