Ekologııa mınıstri qoqys jaǵatyn 6 zaýyttyń qurylysyna qatysty pikir bildirdi

ASTANA. QazAqparat – QR Ekologııa, geologııa jáne tabıǵı resýrstar mınıstri Serikqalı Brekeshev elimizde qoqys jaǵatyn zaýyt salý múmkindigine qatysty pikir bildirdi, dep habarlaıdy QazAqparat tilshisi.

«Ekologııa salasyndaǵy mamandar men belsendiler bul zaýyttarda qoqys jaǵý atmosferaǵa lastaýshy zattardyń taralýyn arttyrady degen pikir aıtyp otyr. Sondyqtan qazir qaldyqtardy jaǵatyn alty zaýyt salý máselesi kún tártibinde turǵan joq», - dedi S. Brekeshev Májilistegi Úkimet saǵatynan keıin tilshiler saýalyna jaýap bere otyryp.

Budan buryn habarlanǵandaı, byltyr 6 qalada qoqys jaǵatyn zaýyt salý josparlanyp otyrǵany aıtylǵan edi (Nur-Sultan, Almaty, Shymkent, Atyraý, Taraz, Aqtóbe).

Sonymen qatar, Óskemen qalasynda qoqys jaǵatyn zaýyt salynbaıtyn boldy.