Ekibastuzdaǵy jylý jelileri memleket esebinen jóndeledi

ASTANA. KAZINFORM – Ekibastuz qalasyndaǵy jylý jelisi bıýdjet qarajatymen jóndeýden ótkiziledi, al jylý elektr ortalyǵyn menshik ıesi jóndeıdi. Bul týraly Energetıka vıtse-mınıstri Jandos Nurmaǵanbetov málim etti, dep habarlaıdy QazAqparat tilshisi.

«Jylý jelilerin jóndeý boıynsha Pavlodar oblysynyń ákimdigi men «OAEK» kompanııasy birlesip baǵdarlama ázirlendi. Qarjylandyrý ekijaqty jasalǵan memorandýmǵa sáıkes júrgiziledi. Jylý jelilerin jóndeý jumysyn bıýdjet esebinen qarjylandyrý jóninde sheshim qabyldandy. Al JEO-na menshik ıesi ózi ınvestıtsııa quıady»,– dedi Jandos Nurmaǵanbetov Parlament Senaty qarjy jáne bıýdjet komıtetiniń otyrysynan keıin BAQ ókilderiniń saýalyna jaýap bere turyp.

Vıtse-mınıstrdiń aıtýynsha, jylytý maýsymy aıaqtalǵannan keıin jaǵdaıdy egjeı-tegjeıli túsiný úshin synaq júrgiziledi.

ıAǵnı jylý qubyrlarynyń qaı jerin aýystyrý qajet jáne oǵan qansha qarjy talap etiletini anyqtalady.

Aıta ketsek, Ekibastuz JEO menshik ıesi - «Pavlodarenergo» AQ, ol - óz kezeginde «Ortalyq Azııa otyn-energetıka kompanııasy» AQ korporatsııasynyń bir bóligi.

Buǵan deıin «Ekibastuzjylýenergo» seriktestigine 27,6 mln teńge aıyppul salynǵanyn habarlaǵan edik.