Ekibastuzda memlekettik tildi sapaly oqytý joldary talqylandy

PAVLODAR. QazAqparat - «Rýhanı jańǵyrý» baǵdarlamasy aıasynda Ekibastuz qalasynda «Aýdarma mádenıeti, resmı qujat saýattylyǵy jáne jańa ulttyq latyn álipbıi negizindegi memlekettik tildi sapaly oqytý joldary» taqyrybynda kóshpeli oblystyq semınar ótti, dep habarlaıdy pavlodarnews.kz.

Sharaǵa oblystyń joǵary oqý oryndarynyń ǵalymdary, memlekettik organdar, mekemeler men uıymdardyń til mamandary, qazaq tili oqytýshylary, aýdarmashylary men is júrgizýshileri qatysty. - Jyldyń sońyna deıin Ekibastuz qalasy, Baıanaýyl, Maı jáne Pavlodar aýdandarynan 200 adamdy qamtý josparlanyp otyr, - deıdi oblystyq tilderdi damytý basqarmasynyń bas mamany Dáýlet Temirbolat.

Jyl saıyn dástúrli túrde uıymdastyrylatyn shara byltyr Aqsý, Tereńkól, Ertis, Jelezın aýdandarynda ótken bolatyn. Semınardyn maqsaty - til mamandary, aýdarmashylar men is júrgizýshilerdiń biliktiligin arttyrý, tildi meńgerý úlgilerin qalyptastyrý.