Eki jasóspirim jolaı ótip bara jatqan elorda turǵynyn uryp-soǵyp, tonap ketti

ASTANA. QazAqparat - Astanada eki jigit ótip bara jatqan adamdy uryp-soǵyp, tonap ketken, dep habarlaıdy QazAqparat qalalyq polıtsııa departamentine silteme jasap.

102 pýltine 26 jastaǵy azamattan qońyraý túsken. Ol Qordaı kóshesinde beımálim eki jigit ózin uryp-soǵyp, tonap ketkenin aıtty.

Shabýyl jasalǵan sát beınebaqylaý kamerasyna túsip qalǵan.

Beınejazbada eki jigittiń er adamǵa jaqyndap kelip, soqqy bere bastaǵanyn kórýge bolady.

Tonaýshylar onyń qolynan sómkeni julyp alyp, qasha jónelgen.

Jábirlenýshi olardyń artynan júgirip, qýyp jetpek bolǵanymen esh nátıje bolmady. Qaskúnemderdiń oljasy 1400 AQSh dollary boldy.

Almaty aýdandyq polıtsııa bóliminiń qyzmetkerleri jedel-izdestirý is-sharalaryn júrgizý barysynda 19 jáne 17 jastaǵy kúdiktilerdiń ekeýin de ustady.

Qazirgi ýaqytta sotqa deıingi tergeý amaldary júrip jatyr.

Kúdiktilerdiń bireýi PD ýaqytsha ustaý ızolıatoryna qamaldy.

Kámeletke tolmaǵan jasóspirimdi ıývenaldy polıtsııa qyzmetkerleri erekshe baqylaýǵa aldy.

Olardyń shetel valıýtasyn teńgege aıyrbastap, keıin birazyn óz qajetine jumsap úlgergeni anyqtaldy. Qalǵan qarajat tárkilendi.

Foto: polisia.kz