EQDB Air Astana kompanııasynyń 5 paıyz aktsııasyn satyp aldy

ASTANA. KAZINFORM – Eýropalyq qaıta qurý jáne damý banki IPO aıasynda Air Astana áýe kompanııasynyń 5 paıyz aktsııasyn satyp aldy.

«Eýropalyq qaıta qurý jáne damý banki flagmandyq qazaqstandyq Air Astana áýe tasymaldaýshynyń aktsııalaryna 41,99 mln dollar (39,02 mln eýro) ınvestıtsııa salyp, eldegi aktsııalardy bastapqy jarııa ornalastyrý arqyly jartylaı jekeshelendirýge qoldaý bildirdi. EQDB ınvestıtsııasy Air Astana áýe kompanııasy aktsııasynyń 5 paıyzdyq toptamasyn qamtıdy», - delingen banktiń resmı saıtynda jarııalanǵan aqparatta.

Esterińizge sala ketsek, búgin Londonda Air Astana aktsııalary satylymǵa shyǵaryldy. Al erteń KASE men AIX alańdarynda satyla bastaıdy. 

Kompanııa aktsııasynyń baǵa dıapazony ǵalamdyq depozıtarlyq qolhattar ( munany ary - ǴDQ) úshin 8,50-den 11,00 AQSh dollarǵa deıin jáne aktsııa úshin 2,13-ten 2,75 AQSh dollarǵa deıin belgilendi. ǴDQ men aktsııa úshin usynystyń túpkilikti baǵasy ornalastyrýdyń baǵa dıapazonynda bolady. ǴDQ bazalyq aktıvi kompanııanyń jaı aktsııalary sanalady. Bul rette bir ǴDQ bazalyq aktıvi - 4 (tórt) aktsııa. Aktsııanyń túpkilikti baǵasy teńgemen belgilenedi jáne baǵa jarııalanǵan kúnniń aldyndaǵy kúni qoldanysta bolatyn Qazaqstan Ulttyq bankiniń (ary qaraı – «QUB») resmı baǵamy boıynsha 4 (tórtke) bólingen jáne teńgemen aıyrbastalǵan ǴDQ úshin túpkilikti baǵaǵa teń. KASE jáne AIX aktsııalaryna ınvestorlardyń ótinimderi teńgemen berilýge tıis.