Ekibastuzda úsh jasar bala terezeden qulap ketti

PAVLODAR. KAZINFORM - Zardap shekken jetkinshek aýrýhanaǵa jatqyzyldy. Dárigerler onyń jaǵdaıy orta aýyr deńgeıde ekenin habarlady.

Ekibastuz qalasyndaǵy kópqabatty úılerdiń birinen úsh jasar bala qulap ketti. 

«Bala úıdiń úshinshi qabatynan qulaǵan. Jedel járdem brıgadasy jedeldiliktiń birinshi dárejesi boıynsha shyǵyp, tórt mınýtta oqıǵa ornynda boldy. Zardap shegýshi Ekibastuz qalalyq aýrýhanasyna jatqyzyldy», dep málimdedi óńirlik jedel járdem stansasynan.

Oblystyq densaýlyq saqtaý basqarmasynyń baspasóz qyzmeti balanyń jaǵdaıy orta aýyr deńgeıde, turaqty dep habarlady.