Ekibastuzda ósiriletin qyzanaqtan qaýipti vırýs anyqtaldy
PAVLODAR. KAZINFORM - «Greenhouse-Qaztomat» JShS jylyjaı kesheninen qyzanaq jemisteriniń vırýsy (Tomato brown rugosefruit virus) anyqtaldy. Vırýs tabylǵan qyzanaq partııasy tolyǵymen joıylǵan.
Aýyl sharýashylyǵy mınıstrligi respýblıkalyq fıtosanıtarııalyq dıagnostıka jáne boljaý ádistemelik ortalyǵy jarııalaǵan zertteý qorytyndysy boıynsha qyzanaq jemisteriniń vırýsy (Tomato brown rugosefruit virus) karantındik obektide tirkelgen. Qaýipti vırýs jylyjaıdyń shamamen 7,5 gektar alańyna tarap úlgergen.
Jylyjaı ónimderinde qaýipti vırýstyń taraýyna baılanysty Ekibastuz qalasy ákimdiginiń 2024 jylǵy 13 qyrkúıektegi qaýlysymen karantındik rejım engizildi. Joba 2024 jylǵy 12 qyrkúıekte «Ashyq NQA» portalynda jarııalanǵan. Vırýs anyqtalǵan qyzanaqtyń kólemi joıyldy. Qazirgi ýaqytta odan jetkiziletin ónim partııasy mindetti túrde aldyn ala zerthanalyq zertteýden ótkiziledi.
«Greenhouse-Qaztomat» JShS - elimizdegi eń úlken jylyjaı. Sharýashylyqtyń ıeliginde 30 gektar jylyjaı kesheni bar. Jyl basynda jylyjaıdan ósimdik karantıni mamandary Tobamovirus — qońyr qatparly vırýsyn anyqtaǵany týraly jazǵan edik.
Sol ýaqytta kásiporyn ókilderi 1 mln dollar shyǵynǵa ushyraýymyz múmkin dep dabyl qaqqan.
