Ekibastuzda alǵashqy kásibı teatr ashyldy
ASTANA. KAZINFORM – Ekibastuz qalasyndaǵy «Óner» mádenıet saraıynda jańa kásibı teatr ashyldy.
Mádenıet jáne aqparat mınıstrligi málimetinshe, maýsym aqyn Muqaǵalı Maqataevtyń «Qosh, mahabbat!» dramasymen bastaldy. Qoıylymnyń rejısseri – Bıbiajar Dıhan, ol ekibastuzdyq kórermenge «Tanakóz» spektaklimen tanys.
Bul qoıylym kórermenge mahabbattyń qunyn, adam janynyń tereńdigin, shynaıy sezimderdiń sulýlyǵyn jáne taǵdyr dramasyn poetıkalyq til arqyly jetkizýdi maqsat etedi.
Teatr ujymyna Qazaqstannyń túrli aımaǵynan 12 kásibı ártis shaqyryldy. Teatr qysqa ýaqyt ishinde birneshe qoıylymdy sahnalap úlgerdi. Solardyń biri – Qazaqstannyń eńbek sińirgen qaıratkeri Álimbek Orazbekovtyń «Bir túp alma aǵashy» dramasy. Spektakldiń qoıýshy-rejısseri – Ádilet Aqanov. Qoıylymnyń ereksheligi – rólderdi kásibı akterlermen qatar qala turǵyndary somdady. Sahnada olardan bólek shyǵarmashylyq ujym ókilderi de óner kórsetti.
Aıta keteıik, Astanada aýtızm taqyrybyndaǵy alǵashqy spektakldiń tusaýkeseri ótti.
Astanada Nurǵısa Tilendıevtiń 100 jyldyǵyna oraı horeografııalyq spektakl qoıylady.