QR Bas prokýratýrasynda Bıvolǵa izdeý jarııalaý isi resmı tirkeldi
ASTANA. KAZINFORM – Belgili boksshy Dmıtrıı Bıvoldyń burynǵy áıeli Ekaterına Bıvolǵa Qazaqstanmen qatar Qyrǵyzstan eli de is qozǵap, izdeý salyp jatyr.
QR Bas prokýratýrasynyń quqyqtyq statıstıka jáne arnaıy esepke alý jónindegi komıtetiniń resmı saıtynda Dmıtrıı Bıvoldyń burynǵy jaryna qatysty izdeý salý jónindegi habarlama jarııalanǵan.
Ol jerdegi málimetke sáıkes Ekaterına Bıvol 1990 jyly 10 qańtarda TMD elderiniń birinde dúnıege kelgen. Ulty – orys.
Іzdeý isi 2025 jylǵy 1 qarashada tirkelgen. Іzdeý salǵan organ – QR Іshki ister mınıstrligi, izdeýmen Astana qalasynyń Baıqońyr aýdandyq polıtsııa basqarmasy aınalysady.
Aıta keteıik, elimizdiń Іshki ister mınıstrligi belgili boksshy Dmıtrıı Bıvoldyń burynǵy jary Ekaterına Bıvolǵa izdeý jarııalady.
Eske sala keteıik, Bishkek qalalyq soty boksshy Dmıtrıı Bıvoldyń burynǵy jubaıy Ekaterına Bıvoldy syrttaı qamaýǵa alý týraly sheshim shyǵaryp, halyqaralyq izdeý jarııalady. Ol áleýmettik jelilerde qyrǵyz halqyna qatysty qorlaıtyn sózder aıtqan vıdeolardan keıin ulttyq jáne dinı alaýyzdyqty qozdyrý baby boıynsha is qozǵaldy.
