Eki jylda eldegi bıdaı alqaptary 750 myń gektar kemigen

ASTANA. KAZINFORM — Bıyl sharýalar egis alqaptaryna 1,5 mln tonna tyńaıtqysh sepken. Úkimet otyrysynda Aýyl sharýashylyǵy mınıstri Aıdarbek Saparov osyndaı derekter keltirdi.

— Bıyl jalpy egis alańy 23,7 mln gektar boldy. Memleket basshysynyń tapsyrmasy boıynsha aýyl sharýashylyǵy daqyldarynyń egis alańdaryn ártaraptandyrý baǵytyndaǵy júıeli jumys jalǵasyp jatyr. Sonyń ishinde 2 jylda bıdaı alańdary 750 myń gektarǵa qysqartyldy, — dedi mınıstr.

Onyń aıtýynsha, munyń esesine maıly daqyldar men azyq daqyldary sııaqty tabysy joǵary, suranysqa ıe daqyldardyń alqaptary keńeıtilgen.

— Búgingi tańda sharýalar 1,5 mln tonna mıneraldy tyńaıtqysh paıdalandy, bul ótken jylmen salystyrǵanda 500 myń tonnaǵa artyq.
Osy qarqyndy saqtaý úshin aǵymdaǵy jyly egis jumystaryn jeńildikpen qarjylandyrý kólemi «taza» 5% jyldyq mólsherlememen 700 mlrd teńgege deıin ulǵaıtyldy, — dedi Aıdarbek Saparov.

Eske salsaq, Kazinform tilshisi ǵalamdaǵy ekonomıkalyq ahýal astyq eksporty men Qazaqstan ekonomıkasyna qalaı áser etetinin taldap jazǵan edi.