Eki azamat kóknár tuqymyn satqany úshin 10 jylǵa sottaldy

ASTANA. KAZINFORM – Aqmola oblysynda kóknár tuqymyn satqany úshin 2 tulǵa on jylǵa bas bostandyǵynan aıyryldy. Bul týraly Aqmola oblysy prokýratýrasynyń baspasóz qyzmeti málim etti.  

Oblystyń qylmystyq ister jónindegi mamandandyrylǵan aýdanaralyq soty azyq-túlik dúkenderiniń 2 ıesin apıyn qabaty jáne keptirilgen kóknár sabanynyń qospasyn bar kóknár tuqymyn satqany úshin 10 jylǵa bas bostandyǵynan aıyrdy.

«Dúken ıeleri kóknár tuqymyn Kókshetaý qalasynyń esirtkige táýeldi tulǵalaryna kóknár tuqymyn kılogrammyna 10 myń teńgeden satqan» - delingen habarlamada. 

Prokýratýranyń málimetinshe, eki dúkendi tintý barysynda 50-den astam qap kóknár, 500-den astam hımııalyq suıyqtyq bótelkeleri jáne 1 myńnan astam medıtsınalyq shprıtster, esirtki saýdasynan alynǵan aqsha aǵyndary tirkelgen kassalyq jýrnaldar tárkilengen.

Aqshalaı eseptegende tárkilengen ónim 30 mıllıon teńgeden asady dep baǵalanady.

Sotty bolǵan azamattardan qylmystyq jolmen alynǵan 1 mln teńgeden astam qarajat tárkilendi.

Aqmola oblysynyń prokýratýrasy azamattardy azyq-túlik kóknáriniń úlken kólemde satý faktileri anyqtalǵany týraly quqyq qorǵaý organdaryna habarlaýǵa shaqyrady.