Egde jastaǵy áıeldi urǵan er adamǵa qatysty vıdeo tekserilýde

ALMATY. QazAqparat - Almatyda egde jastaǵy áıeldi uryp-soǵyp jatqan er adam vıdeoǵa túsip qaldy, dep habarlaıdy QazAqparat tilshisi.

Syrtqy beınebaqylaý kamerasyna jazylǵan vıdeoda aldymen, eki áıel arasynda janjal shyqqanyn, keıin er adam olardyń birin jerge jyǵyp, ura bastaǵanyn kórýge bolady.

Almaty qalalyq Polıtsııa departamenti bastyǵynyń orynbasary Rýstam Ábdirahmanovtyń sózinshe, quqyq qorǵaý organdary tekserýdi 1 mamyrda bastady.

«Alataý aýdandyq polıtsııa basqarmasynyń qyzmetkerlerine quqyqbuzýshylar áreketine baǵa berý úshin qajetti dáleldemelerdi jedel jınap, esepke alý tapsyryldy», - dedi Rýstam Ábdirahmanov.