Efıopııada júk kóligi ózenge qulap, 71 adam mert boldy

ASTANA. KAZINFORM - Efıopııanyń Sıdama shtatynda (Ońtústik Efıopııa) jolaýshylar mingen júk kóligi ózenge qulap, 71 adam qaza tapty.

Bul týraly Efıopııanyń Aımaqtyq kommýnıkatsııalar bıýrosynyń málimdemesinde aıtylǵan, dep habarlaıdy Report Al Jazeera telearnasyna silteme jasap.

Jergilikti bıliktiń málimetinshe, oqıǵa el astanasy Addıs-Abebadan ońtústikke qaraı 300 shaqyrymdaı jerde ornalasqan Sıdama shtatynda bolǵan.

- Qazirgi ýaqytta 68 er adam men úsh áıel adamnyń qaza tapqany belgili, - delingen vedomstvo habarlamasynda.

- Bes adamnyń jaǵdaıy aýyr jáne olar Bona jalpy aýrýhanasynda emdelip jatyr, - dedi Sıdama úkimetiniń aımaqtyq ókili Sımıon Voseneleh.

Oqıǵa kezinde júk kóliginde bolǵan jolaýshylardyń naqty sany týraly quzyrly organdar ázirge naqty aqparat bermegen.

Osyǵan deıin Efıopııada 400 myńǵa jýyq adam sý tasqynynan zardap shegip otyrǵanyn jazdyq.