EEK motor maılary, antıseptıkter men velosıpedterdi tańbalaıdy
ASTANA. KAZINFORM - 8 shildede onlaın-formatta ótken Eýrazııalyq ekonomıkalyq komıssııa Keńesiniń (EEK) kezekti otyrysynda birqatar mańyzdy sheshimder qabyldandy, dep habarlaıdy Úkimettiń baspasóz qyzmeti.
Qazaqstan delegatsııasyn vıtse-premer – ulttyq ekonomıka mınıstri Serik Jumanǵarın basqardy.
Otyrysta qyzyl jáne qara ýyldyryq, motor maılary, antıseptıkter men velosıpedterge tańbalaýdy engizý týraly birqatar sheshim qabyldandy. Bul rette EAEO elderi ónimniń árbir túrin tańbalaýdy engizý merzimi men tártibin jeke belgileıdi.
Aıta ketý kerek, Qazaqstanda motor maılaryn tańbalaýdy engizý bıylǵy jyldyń qyrkúıegine josparlanǵan.
EEK Keńesiniń sheshimimen EAEO-nyń biryńǵaı karantındik fıtosanıtarııalyq talaptaryna ózgerister engizildi. Ózgeris qulpynaı antraknozynyń qozdyrǵyshynan (Colletotrichum acutatum) bos aımaqtardan jetkiziletin alma aǵashynyń kóshetterine, tamyr sabaqtarynyń, shlamdarynyń jáne jemisterdiń (Malus spp.) jáne almurtqa (pyrus spp.) qatysty .
Sondaı-aq medıtsınalyq buıymdardyń qaýipsizdigin, sapasy men tıimdiligin tirkeý jáne saraptaý erejeleri jańartyldy. Ózgerister 2024 jyly Klınıkalyq jáne zerthanalyq synaqtardy júrgizý erejeleriniń jańa redaktsııasyn qabyldaýǵa baılanysty bolyp otyr. Olar ónimdi tirkeý men saraptaýǵa ketetin ýaqyt pen eńbek shyǵyndaryn qysqartýǵa múmkindik beredi.
Ónerkásip robototehnıkasyn damytý boıynsha jańa Eýrazııalyq tehnologııalyq platforma qurý týraly sheshim qabyldandy. Onyń maqsaty – EAEO elderi arasyndaǵy ónerkásip robottaryn ázirleý jáne engizý, sondaı-aq perspektıv kommertsııalyq tehnologııalardy qalyptastyrý salasyndaǵy ınnovatsııalyq yntymaqtastyqty yntalandyrý. Platforma sheńberinde robototehnıkany damytýdyń memleketaralyq baǵdarlamasy ázirlenedi. Qazaqstannan bul jumysqa «Qazaqstandyq avtomattandyrý jáne robototehnıka qaýymdastyǵy» ZTB qatysady.
Sondaı-aq energetıka, kólik, syrtqy saýda, básekelestik jáne tehnıkalyq retteý salasyndaǵy máseleler de qaraldy.
Osyǵan deıin qazaqstandyq óndirýshilerge EAEO elderiniń satyp alýlaryna qatysý jeńildeı túsetini týraly habarlandy.