EEG monıtorıng medsaqtandyrý aıasynda tegin jasalady
«Sol sekildi EEG monıtorıngten de MÁMS aıasynda joldama arqyly tegin tekserýden ótýge bolady. Buny 1000-ǵa jýyq patsıent MÁMS aıasynda EEG monıtorıng tekserýden tegin ótken «Januıa» jekemenshik klınıkasy mysalynan kórýge bolady» - deıdi áleýmettik medıtsınalyq saqtandyrý qorynyń Nur-Sultan qalasy boıynsha fılıalynyń baspasóz qyzmeti.
Bárimizge belgili, 2020 jylǵy 1 qańtardan Mindetti áleýmettik medıtsınalyq saqtandyrý (MÁMS) júıesi júzege asyryla bastady.
MÁMS júıesi jarna mólsherine qaramastan, barlyq saqtandyrylǵan adamdarǵa qyzmetter paketi teńdeı qoljetimdi bolýyna negizdelgen.
ıAǵnı, múmkindigine qaraı tólem jasaǵan ár azamat qajetine qaraı, MÁMS boıynsha kómek alý úshin júgingen kezde em alady, medıtsınalyq qyzmetterdiń kólemi men quny shektelmeıdi.
Barlyq medıtsınalyq qyzmetterdi memlekettik jáne jekemenshik klınıkalarda alýǵa bolady.
Tek bir ǵana shart – medıtsınalyq uıym ÁMSQ derekqorynda bolýy jáne áleýmettik medıtsınalyq saqtandyrý boıynsha qyzmetter kórsetýi tıis.
«Januıa» jekemenshik klınıkasy Medıtsınalyq saqtandyrý qorymen 2020 jyldyń ekinshi jartyjyldyǵynda kelisimshartqa otyryp, MÁMS júıesinde medıtsınalyq qyzmet kórsete bastady.
Eger ótken jylmen salystyratyn bolsaq, 2020 jyly shamamen 600-700 patsıent MÁMS boıynsha tegin tekserýden ótken bolsa, 2021 jyl bastalǵaly qazirdiń ózinde 300-400 patsıent emhana joldamasy arqyly dáriger keńesin alyp, EEG monıtorıngten, ÝDZ, t.b. tegin tekserildi.
«Bul – turǵyndar men medıtsına qyzmetkerleriniń aqparattandyrylýynan dep oılaımyn, bul naýqastar úshin jaqsy. Sebebi, EEG monıtorıng (onyń ishinde táýlik boıǵy da bar) júrgizý - quny qymbat medıtsınalyq qyzmetterdiń biri, MÁMS júıesi arqyly tegin jasalýda», - deıdi «Januıa» jekemenshik klınıkasynyń dırektory, joǵary bilikti dáriger Altynaı Elýbaeva.
MÁMS boıynsha aqysyz medıtsınalyq kómek alý úshin patsıent emhanaǵa tirkelgen jáne MÁMS shartymen saqtandyrylǵan bolýy tıis.
«Biz Nur-Sultan qalasyndaǵy №8 emhanaǵa tirkelgenbiz. Balamdy emhanadaǵy pedıatr-dárigerge kórsettim, ol nevropatologqa jiberdi. Nevropatolog-dáriger kórsetkishter boıynsha EEG tekserýden ótý úshin «Januıa» medıtsına ortalyǵyna joldama berdi. Sol joldama arqyly munda EEG monıtorıng tegin jasady, áıtpese materıaldyq jaǵynan maǵan aýyr bolar edi. Osy tekserýden keıin endi balama naqty dıagnoz qoıady. Keńes bergen dárigerlerlerge de, MÁMS júıesine de rızamyn», - deıdi medıtsınalyq kómek alý baǵytyn aıta otyryp alǵysyn jetkizgen Denıstiń anasy Anna Tkachýk.
Medsaqtandyrý qory patsıentter quqyǵyn qorǵaıdy. TMKKK jáne MÁMS boıynsha medıtsınalyq qyzmet kórsetetin medıtsınalyq uıymdardyń tizimin qordyń resmı saıtynan tabýǵa bolady.
