EAEO seriktes elderdiń taýarlaryn tekserý erejelerin jeńildetedi

MÁSKEÝ. QazAqparat - Eýrazııalyq ekonomıkalyq komıssııa (EEK) keńesi Eýrazııalyq ekonomıkalyq odaqtyń erkin saýda týraly kelisim jasasqan elderinen ákelinetin taýarlardyń shyǵarylýyn qujattamalyq rastaý rásimin jeńildetý týraly sheshim qabyldady, dep habarlaıdy QazAqparat menshikti tilshisi.

Komıssııanyń baspasóz qyzmeti habarlaǵandaı, EEK Keńesi kúntizbelik jyl ishinde EAEO elderiniń aýmaǵynda satylǵan temeki ónimderiniń quramy jáne odan bólinetin zattar týraly eseptiń úlgisin bekitti.

Budan basqa, EEK Keńesi medıtsınalyq buıymdardyń qaýipsizdigin, sapasy men tıimdiligin tirkeý jáne saraptaý qaǵıdalaryna ózgerister engizdi, EAEO farmakologııalyq qadaǵalaýdyń jańa redaktsııasyn bekitip, dóńgelekti kólik quraldarynyń qaýipsizdigi týraly tehreglamentke túzetý engizý týraly sheshim qabyldady, sondaı-aq deklaratsııa berilgenge deıingi taýarlar sanattarynyń tizbesin keńeıtti.

Sheshimder juma kúni Máskeýdegi komıssııanyń shtab-páterinde ótken EEK Keńesiniń kezekti otyrysy barysynda qabyldandy. Kelesi kezdesý 10 maýsymda Nur-Sultan qalasynda ótedi.