EAEO-nyń taǵam qospalary boıynsha tehreglamentteri ózgerdi

MÁSKEÝ. QazAqparat – Máskeýde Eýrazııalyq ekonomıkalyq komıssııanyń (EEK) kezekti májilisiniń qorytyndysy boıynsha, «Taǵam qospalary, aromatızatorlar, tehnologııalyq qosymsha quraldar qaýipsizdiginiń talaptary» tehnıkalyq reglamentine ózgerister engizildi.

Bul týraly brıfıng barysynda EEK-nyń resmı ókili Iıa Malkına málim etti, dep habaraıdy QazAqparat.

«Ózgeristerdi QR Densaýlyq saqtaý mınıstrligi osy sala boıynsha halyqaralyq zańnamaǵa engiziletin ózgerister negizinde daıyndady. Qujat tehreglamenttiń 5 bólimi men oǵan 29 qosymshany belsendi iske asyrýdy kózdeıdi»,-dedi I.Malkına.

Engiziletin ózgerister:

- Ruqsat etilgen taǵam qospalary tiziminen qajet bolmaı qalǵan 19 túrin alyp tastaýdy jáne ózge 6 qosymsha engizýdi;

- Fermentti preparattar men dámdeýishter tizimin keńeıtýdi;

- Jekelegen taǵam qospalaryn qoldaný isin túzeý, qazirgi zamanǵa talaptaryna saı jekelegen taǵam ónimderiniń ataýlaryn redaktsııalaýdy kózdeıdi.

«Ózgerister resmı túrde jarııalanǵannan keıin 180 kúntizbelik kún ishinde kúshine enedi»,- dep túsindirdi EEK resmı ókili.

Sondaı-aq osy ózgeristerdi iske qosý tártibi týraly Alqa sheshiminiń jobasy daıyndaldy. Oǵan sáıkes, jańa ózgeristerge birtindep kóshýge 18 aı jáne markırovkaǵa qatysty talaptarǵa kóshýge 36 aı qarstyrylǵan. Qujat tıisti tártipte qaralady.

Májiliste Qazaqstan tarapyna QR Premer-Mınıstriniń orynbasary – QR Saýda jáne ıntegratsııa mınıstri Serik Jumanǵarın basqardy.

Narynbek Ysmaǵulov