EAEO elderiniń ekonomıkalyq belsendiligin arttyrý qajet

NUR-SULTAN. QazAqparat – EAEO elderiniń ekonomıkalyq belsendiligin arttyrý qajet. Bul týraly Eýrazııalyq úkimetaralyq keńestiń keńeıtilgen otyrysynda QR Premer-Mınıstri Álıhan Smaıylov aıtty, dep habarlaıdy QazAqparat tilshisi.

«Búginde, postpandemııalyq kezeńde elderimizdiń ekonomıkalyq belsendiligin arttyrý jumystaryn buryn-sońdy bolmaǵan deńgeıde kúsheıtýimiz qajet. Barlyq taraptyń kelisilgen kúsh-jigeri ǵana memleketterimizdiń azamattarynyń ál-aýaqatyn arttyrý kilti sanalady», - QR Premer-Mınıstr.

Úkimet basshysy Qazaqstan EAEO quqyqtarynda bekitilgen negizi quraýshy prıntsıpterdi júzege asyrý boıynsha júıeli ári dáıekti jumysqa daıyn ekendigin atap ótti.

«Ádettegideı ózara túsinistik, senim men syndarly dıalog ahýalynda ótken búgingi kezdesýdiń qorytyndysynda biz qabyldaǵan sheshimder ıntegrtsııalyq birlestiktiń odan ary damýyn qamtamasyz etýge jáne qol jetkizilgen ýaǵdalastyqtardy júzege asyrýǵa múmkindik beredi», - dedi Álıhan Smaıylov.