E. Dosaev UKP tóralqa múshesi bolyp saılandy
Palatanyń úshinshi sezinde «Atameken» Ulttyq kásipkerler palatasynyń tóralqa tóraǵasy Tımýr Qulybaev tóralqa músheligindegi Qýandyq Bıshimbaev pen Sabyr Esenbekovtyń ókilettigin toqtatý usynysyn jasady.
«Sonymen qatar, qazirgi kezde «UKP týraly» Zańǵa sáıkes, Q. Bıshimbaevty QR Úkimetindegi ókili retinde UKP tóralqasy múshesi etip taǵaıyndaý týraly másele qaralýda. Osyǵan baılanysty QR qoǵam qaıratkerlerin tóralqa músheleri retin saılaý úshin Erbolat Dosaevtyń, Meıramkúl Dosbaevanyń, Dinmuhambet Ydyrysovtyń kandıdatýrasyn qaraý usynylady»,- dedi T. Qulybaev.
Bul usynys sez qaraýyna engizilip, delegattar biraýyzdan qoldady. «Ulttyq kásipkerler palatasy týraly» zańnamaǵa sáıkes, palata tóralqasy 52 músheden turady.
«Búgin ókilettigi aıaqtalǵan tóralqa músheleriniń UKP damýyna qosqan eleýli úlesi úshin alǵysymdy aıtamyn. Aldaǵy ýaqytta da sizder UKP qyzmetine belsendi istermen úles qosasyzdar dep senemin»,-dedi ol.