Dzıýdo: Ǵusman Qyrǵyzbaev Grand Slam týrnıriniń jeńimpazy atandy

NUR-SULTAN. QazAqparat - Ábý-Dabıde Grand Slam serııasyndaǵy dzıýdo týrnıri ótti. Týrnırde QR Qorǵanys mınıstrligi Armııa ortalyq sport klýbynyń dzıýdoshysy, efreıtor Ǵusman Qyrǵyzbaev altyn medaldi jeńip aldy, dep habarlaıdy QazAqparat mınıstrliktiń baspasóz qyzmetine silteme jasap.

Qazaqstan komandasy atynan shyqqan áskerı qyzmetker 60 keli salmaq dárejesinde óner kórsetti. Basty aıqasta Ǵusman frantsýz palýany Valıd Hıarmen jekpe-jekke shyqty. Aıqas bizdiń sportshynyń jeńisimen aıaqtaldy.

Ábý-Dabıdegi Úlken shlem - IJF World Judo Tour elıtalyq dzıýdoshylar serııasyndaǵy kezekti kezeń. Ol 24-26 qazan aralyǵynda ótip jatyr. Jarysqa 104 elden 603 sportshy qatysýda.

Eske sala keteıik, budan buryn Eldos Smetov bastaǵan dzıýdoshylardyń Grand Slam týrnırine qatysatynyn jazǵan bolatynbyz.