Djo Baıdenge qaýipti onkologııalyq dıagnoz qoıyldy

ASTANA. KAZINFORM — Dárigerler 16 mamyr kúni AQSh-tyń eks-prezıdenti Djo Baıdennen qýyqasty bezi qaterli isiginiń agressıvti túrin anyqtady, dep habarlaıdy The New York Times.

TASS basylymǵa silteme jasaı otyryp habarlaǵandaı, aýrýdyń bul túri gormondyq terapııamen emdeledi, sondyqtan aýrý aǵymyn baqylaýda ustaýǵa bolady.

— Aýrýdyń túri agressıvti bolǵanymen, ol gormonaldy terapııamen emdeýge bolady. Bul emdeýdi nátıjeli júrgizýge múmkindik beredi. Qazirgi ýaqytta prezıdent pen onyń otbasy dárigerlermen birlesip emdeý nusqalaryn qarastyryp jatyr, — delingen Baıden ókiliniń basylymǵa bergen málimdemesinde.

Osydan buryn naýryz aıynda Ulybrıtanııa koroli Charlz III qaterli isiktiń janama áserine baılanysty aýrýhanaǵa túskeni habarlandy.

Aıta keteıik, AQSh-tyń burynǵy prezıdenti Djo Baıden kez kelgen is-sharada baıandama jasaý úshin uıymdastyrýshylardan 300 myń dollar talap etetini anyqtaldy.

Budan bólek Tramp Baıdendi qupııa aqparatqa qol jetkizý quqyǵynan aıyrǵany belgili boldy.