Dúısenova: BJZQ tóńiregindegi daýdyń azamattardyń zeınetaqy jarnalaryna esh qatysy joq
Bul týraly búgin Úkimet úıinde ótken baspasóz máslıhatynda QR Eńbek jáne halyqty áleýmettik qorǵaý mınıstri Tamara Dúısenova málim etti, dep habarlaıdy QazAqparat.
«Biryńǵaı jınaqtaýshy zeınetaqy qory tóńiregindegi daý-damaıǵa qatysty aıtaıyn degenim, Zańǵa sáıkes azamattardyń zeınetaqy jınaǵyna memleket tarabynan tolyq kepildik beriledi. Azamattar zeınetkerlikke shyqqanǵa deıin olardyń qordaǵy jarnalary memleket tarabynan ınflıatsııaǵa baılanysty ósirilip otyrady. ıAǵnı, biz jyl saıynǵy ınflıatsııa kóleminen tómen emes jınaqtalǵan zeınetaqy qorymyzdy alýǵa tıispiz. Eger jınaqtaýshy qordyń durys istemegendiginen, ıakı ýaqytynda tabys ala almaǵandyǵynan zeınetaqy qorymyz kemıtin bolsa, onda ony memleket tolyqtyryp otyrady. Ol bizdiń Zańymyzda qarastyrylǵan», - dedi mınıstr.
Osy rette Tamara Dúısenova Biryńǵaı jınaqtaýshy zeınetaqy qory óz aktıvi esebinde qarajatty jumsaǵany úshin tekserýge ushyraǵandyǵyn atap ótti.
«Sheshimin sot shyǵarady. Biraq, bul másele bizdiń zeınetaqy qorymyzdaǵy qarajatqa esh qatysy joq. Biz ony eki jaqtan baqylaýda ustap otyrmyz. Aı saıyn biz árbir azamattyń eńbekaqysynan qansha qarajat zeınetaqy qoryna ketip jatqanyn kórip otyrmyz. Ekinshiden, Ulttyq bank te baqylaýda ustaıdy», - dedi ol.
Buǵan deıin QR UQK Almaty qalasy boıynsha departamenti Biryńǵaı jınaqtaýshy zaınetaqy qory (BJZQ) «Býzgýl Aýrým» JShS oblıgatsııalaryn satyp alý faktisi boıynsha qylmystyq is qozǵaǵanyn habarlaǵan bolatynbyz .
Aıta keteıik, Eńbek mınıstri búgin 2020 jylǵa qaraı Qazaqstanda kópdeńgeıli zeınetaqy júıesi qurylatyndyǵyn jetkizgen edi.
Munan bólek, ol 2018 jyldyń 1 shildesinen zeınetkerlikke shyǵatyn áıelderdiń zeınetaqysy 2 esege ulǵaıtylatyndyǵyn málim etti.