Dúısenǵazy Mýsın: Paıdalanylmaı jatqan jerler týraly aqparat qoljetimsiz
«Qarjy ınstıtýttarynda kezinde kepildikke qoıylǵan qanshama aýyl sharýashylyǵy jerleri tur. Olardyń aınalymnan shyǵyp, ıgerýsiz jatqandary qanshama? Jer - aýyl sharýashylyǵynyń bazısi ǵana emes, negizgi óndiris quraly bolyp tabylady. Sondyqtan da onyń quqyqtyq mártebesin anyqtaýdyń máni zor. Bizdiń paıymdaýymyzsha, aýyl sharýashylyǵy jerlerin memleket menshiginde qaldyra otyryp, uzaq merzimdi jer paıdalaný quqyǵyn engizý oń sheshim bolar edi. Ol - jer paıdalaný quqyǵynyń kepildik máni men kepildik baǵasyn kóterip, ónim óndirýshiler men qarjy ınstıtýttary arasyndaǵy qarjylyq qatynastardyń tıimdiligin arttyrar edi», - dedi depýtat Senatta agroónerkásiptik keshendi damytý taqyrybyna arnalǵan parlamenttik tyńdaýda.
Onyń sózine qaraǵanda, halyqpen kezdesýlerde kóterilgen basty máselelerdiń biri – paıdalanylmaı jatqan jerler týraly aqparattardyń qoljetimsizdigi. Osy oraıda, qazirgi zamanaýı tehnologııalardy, ıaǵnı jerdi qashyqtyqtan zondtaý, ǵarysh túsirilimin qoldaný - jerdi paıdalanýdy baqylaýdyń tıimdiligin arttyratyny sózsiz.
«Búgingi kúngi qoldanystaǵy zańnamalyq bazanyń olqylyǵy – turaqsyzdyǵynda dep bilemiz. Mysaly, Jer kodeksine 99 zańnamalyq ózgerister engizilip, 260-tan asa zań túrli tolyqtyrýǵa ushyraǵan. Taldaý kórsetkendeı, áli de ózektiligi turǵysynan eskirgen normalar da barshylyq. Bul ınvestıtsııalyq ahýalǵa teris yqpalyn tıgizýde.
Atalǵan máselede Ulttyq ekonomıka jáne Ádilet mınıstrlikteri tarapynan naqty baqylaý men úılestirýdi kúsheıtý qajet dep sanaımyz», - dedi D. Mýsın.
