Dýshanbede týrıstik kóshe ashyldy

ASTANA. KAZINFORM — Dýshanbede ótken halyqaralyq «Dushanbe International Tourism Exhibition — DITE-2025» týrıstik kórmesi aıasynda el astanasyndaǵy «Kýrýshı Kabır» saıabaǵynda jańa týrıstik kóshe ashyldy, dep habarlaıdy Kazinform tilshisi.

Jańa mádenı-oıyn-saýyq keńistigi Tájikstannyń týrıstik áleýetin tanytýǵa jáne ishki ári halyqaralyq týrızmdi damytýǵa baǵyttalǵan.

— Maýsymdyq týrıstik kóshe kún saıyn saǵat 11:00-den 22:00-ge deıin jumys isteıdi. Munda mádenı baǵdarlamalar uıymdastyrylady, sondaı-aq ulttyq qolóner buıymdarynyń — aǵash oıý, zergerlik áshekeı, gúl kesteleý, qysh jáne toqymashylyq ónimderiniń, sýret óneri men chakan buıymdarynyń kórmesi men jármeńkesi ótedi, — dep málimdedi Dýshanbeniń týrızmdi damytý bólimi.

Qala turǵyndary men qonaqtary bir aı boıy ulttyq taǵamdardan dám tatyp, túrli sporttyq jáne zııatkerlik oıyndarǵa, baıqaýlar men vıktorınalarǵa, tsırk jáne teatr qoıylymdaryna qatysa alady.

Sondaı-aq ulttyq kıim kıip, arnaıy bezendirilgen aımaqtarda estelik foto jasatýǵa múmkindik bar.

Uıymdastyrýshylardyń aıtýynsha, bul bastama aldaǵy ýaqytta Dýshanbede turaqty túrde jumys isteıtin týrıstik kósheni qurýǵa negiz bolady.

Osydan buryn Dýshanbede Qazaqstan kınosy kúnderi ótkenin jazǵanbyz. Baǵdarlamaǵa sońǵy jyldary otandyq rejısserler túsirgen eń úzdik týyndylar endi.