Dýrov RF men BAÁ-niń dıplomatııalyq kómeginen bas tartty
ASTANA. KAZINFORM – Telegram messendjeriniń negizin qalaýshy Pavel Dýrov Reseı men Birikken Arab Ámirlikteri (BAÁ) usynǵan dıplomatııalyq kómekten bas tartty, dep jazady TASS.
Bul týraly Politico gazeti frantsýz sheneýnigine silteme jasap habarlaıdy.
«Bul adam Reseıdiń konsýldyq qorǵaýynan jáne BAÁ konsýldyǵynyń ókiline barýdan bas tartty, biraq jaǵdaı týraly BAÁ elshiligine habarlaýǵa kelisti», - dep jazdy basylym.
Esterińizge sala keteıik, frantsııalyq BAQ habarlaǵandaı, Pavel Dýrov 24 tamyzda Parıjdegi Le Býrje áýejaıynda balalarǵa qarsy qylmystarǵa, esirtki saýdasyna jáne alaıaqtyqqa qatysy bar degen aıyppen ustalǵan bolatyn.
Ilon Mask Dýrovtyń ustalýyn AQSh Konstıtýtsııasyna sóz bostandyǵyna kepildik beretin birinshi túzetýdiń «jarnamasy» dep atady.
Telegram komandasy platformany teris paıdalandy degen aıyptaýlar absýrd dep málimdedi.
Telegram jelisiniń negizin qalaýshy Pavel Dýrovtyń aǵasyna da Frantsııada izdeý jarııalandy.
Qazir Dýrov sottyń qadaǵalaýymen bosatyldy. Degenmen, oǵan Frantsııa aýmaǵynan shyǵýǵa tyıym salyndy jáne 5 mıllıon eýro kóleminde kepil tóleýi kerek.
