Dúnıejúzilik kóshpendiler oıyndaryna volonterlerdi irikteý bastaldy

ASTANA. KAZINFORM – Bıyl kúzde elordada ótetin V dúnıejúzilik kóshpendiler oıyndaryna volonterlerdi irikteý júrip jatyr. Bul týraly «Astana jastary» jastar resýrstyq ortalyǵynyń eriktiler qozǵalysyn damytý bóliminiń mamany Aızat Ábıbýllaqyzy málim etti.

«Dúnıejúzilik kóshpendiler oıyndaryna volonterlerdi irikteý bastaldy. Olar arnaıy saýalnama toltyrady, sonyń negizinde volonterlerdiń jas ereksheligi men osy saladaǵy tájirıbesi anyqtalady», - dedi Aızat Ábıbýllaqyzy Kazinform agenttigi tilshisiniń suraǵyna jaýap bere turyp.

Onyń aıtýynsha, dúnıejúzilik kóshpendiler oıyndaryna 500-den astam volonter tartylmaq.

«Búginde elordadaǵy jastar ortalyǵynda 6 myńnan astam volonter bar. Sondaı-aq, ortalyq bazasynda volonterler mektebi jumys isteıdi, ol jerde eriktiler qataryna endi kirgenderge osy qyzmet boıynsha sabaqtar ótedi», - deıdi ol.

Buǵan deıin Astana qalasynyń ákimi Jeńis Qasymbek Dúnıejúzilik kóshpendiler oıyndaryna oraı abattandyrý jáne kógaldandyrý jumystary týraly aıtqan edi.

Eske sala ketsek, V Dúnıejúzilik kóshpendiler oıyndary Qazaqstanda ótedi.

Aıta keteıik, Astanada 8-14 qyrkúıek aralyǵynda ótetin Dúnıejúzilik kóshpendiler oıyndaryna 58 el qatysady.