Dúnıejúzilik kóshpendiler oıyndaryna baılanysty jazǵy demalys uzartyla ma
ASTANA. KAZINFORM – Astana ákimdigi Dúnıejúzilik kóshpendiler oıyndarynyń ótýine baılanysty málimdeme jasady.
Ákimdiktiń Telegram arnasynda jarııalaǵan málimeti boıynsha, jańa oqý jyly (mektep oqýshylary, stýdentter) shtattyq rejımde 1 qyrkúıek kúni bastalady. Dúnıejúzilik kóshpendiler oıyndarynyń ótýine baılanysty jazǵy demalys uzartylmaıdy.
Sondaı-aq Ǵylym jáne eoǵary bilim mınıstri Saıasat Nurbek BAQ ókilderine Astanada ótetin Kóshpendiler oıyny kezinde qaladaǵy joǵary oqý oryndary qalaı jumys isteıtinin aıtty.
«Sheshim bar. Kóshpendiler oıyndary oqý protsesine eshqandaı áser etpeıdi. Astanadaǵy stýdentter qalypty rejımmen oqıdy. Bul mektepterge qatysty másele shyǵar. Biraq joǵary bilim boıynsha aıtsaq, shtattyq rejımde jumys isteımiz», — dedi Saıasat Nurbek.
