Dúnıejúzilik kóshpendiler oıyndary kezinde elordalyq medıtsınalyq uıymdar qalaı jumys isteıdi

ASTANA. KAZINFORM - Jarys kúnderi qalalyq emhanalar men aýrýhanalar shtattyq rejımde jumys isteıdi jáne qajetti medıtsınalyq kómek kórsetýge daıyn bolady. Bul týraly elorda ákimdiginiń baspasóz qyzmeti habarlaıdy. 

"Rezervtik beıindi palatalardy bólip, shuǵyl medıtsınalyq kómek kórsetýge tolyq daıyndyq qamtamasyz etildi.

103 qyzmeti dıspetcherler men jedel járdem brıgadalarynyń úzdiksiz jumysyn jalǵastyrýda. Ótinishter men qońyraýlardy qabyldaý 24/7 júzege asyrylady.

Elordalyq statsıonarlar ádettegideı belsendiligin tómendetpeı, táýlik boıy jumys isteıdi" delingen habarlamada.

Aıta keteıik, buǵan deıin elordada «Kóshpendiler álemi» etnoaýyly ashylǵany týraly jazǵan edik.